Hoërskool Ermelo se leerders het vanjaar uitsonderlike prestasies behaal tydens die Beeld se jaarlikse skryfkompetisie, waar hul skryftalent opnuut in die kollig geplaas is. Hierdie kompetisie, wat hoë standaarde van taalvaardigheid vereis, het geleenthede vir die leerders geskep om hul taalvaardighede ten toon te stel en erkenning te kry vir hul harde werk.
Met trots kondig Hoërskool Ermelo die prestasies van die volgende leerders aan:
Graad 12 Huistaal
- Kyle Goslin, Helené Lotz, JF Möller, en Robin Jooste het elkeen indrukwekkende persentasies van tussen 85% en 89% behaal.
Graad 11 Huistaal
- Tharina Viljoen en Wianke Cloete het met puik uitslae van tussen 75% en 79% presteer.
Graad 10 Huistaal
- Mia van Deventer en Elané Nel het hul merk gelaat met persentasies van 80% tot 84%.
Graad 12 Eerste Addisionele Taal
- Siphesihle Mashini en Simphiwe Kunene het elkeen 80% tot 84% behaal.
Graad 11 Eerste Addisionele Taal
- Allegra Strydom het uitgestaan met 85% tot 89%, terwyl J’Lee Willemse en Sbongagonke Madola elk 80% tot 84% behaal het.
Hierdie leerders het met hul skryftalent die waardering van die beoordelaars gewen en bewys dat die toekoms blink is vir taalvaardigheid en kreatiewe denke by Hoërskool Ermelo. Die skool is besonder trots op hul harde werk en toewyding. Veels geluk aan al die deelnemers – julle bring groot eer aan EHS!