Foto: Die Ligbron Fietsryspan met hul afrigters Mnr Theunis Botha (links agter) en Mnre Duane Purcocks en Grovè Eksteen (regs agter) in hul nuwe klubhuis.
Ligbron het die afgelope Saterdag hul Cycling Cafè amptelik geopen.
Die klubhuis huisves 'n werkswinkel waar fietse gediens kan word. Daar is ook ‘n ontspannings area en dek van waar toeskouers fietsry en hokkie kan kyk terwyl hulle lekker kuier. Verversings word ook in die klubhuis verkoop.
Die opening is deur jonk en oud ondersteun en 26 spanne het ingeskryf vir die dag se wedrenne. Die skool se orkes, Originally Unknown, het vir vermaak gesorg terwyl deelnemers en toeskouers gesmul het aan lekker vars worsbroodjies. Die klubhuis is die inisiatief van die fietsry-afrigters en ouers wat saamgespan het om nog ‘n eerste by Ligbron tot stand te bring.
Die skool bedank graag die volgende borge wat hierdie projek moontlik gemaak het: Safintra, Mnr Wors Prinsloo, EN Building Supplies, AEON Plant Hire, Mnr Bernard Scheepers, Sonca Vervoer, Chilltech, Coastal Hire, Mev Soekie Human, die Hoëveld Jeugkoor en PD Cycles United.