Vyf gimnaste van die Ermelo Gimnastiekklub, het op 5 Oktober , Mpumalanga verteenwoordig by die Gimnastiek SA’s te Pretoria.
Die volgende pragtige prestasies is deur hierdie dogters gelewer:
In die afdeling Vlak 4 (13 jaar), het 45 gimnaste deelgeneem.
Teresa Pace se punt op die brug was 9.2 en hiermee het sy ‘n silwer medalje verwerf! Op die ballanseer balk was haar punt 8.8. Haar gemiddelde punt van 8.7 het haar ‘n algehele 10de plek besorg.
Charlize Clifford se beste prestasie was op spronge, waar sy ‘n punt van 8.8 behaal het.
In die afdeling Vlak 4 (12jaar) het 90 gimnaste deelgeneem.
Gabriella van der Westhuizen het ‘n punt van 9.00 behaal wat haar ‘n 10de plek besorg het.
Sthabile Mazibuko se punt op brug was 8.85. Dit besorg haar ‘n 15de plek . Op ballanseer balk behaal sy ‘n punt van 8.8 wat haar ‘n 13de plek besorg.
Marizelle Burger het op die brug ‘n punt van 8.65 behaal.
Baie geluk aan hierdie gimnaste. Julle het Mpumalanga Gimnastiek Assosiasie se naam hoog gehou!
Foto: Teresa Pace