Terwyl lewenskoste styg, verkeer baie Suid-Afrikaners onder finansiële druk, wat deur inflasie vererger word. Die Reserwebank se waarskynlike besluit om die repokoers op 8.25% te hou, sal ook nie verligting bring nie. Roxanne Tobias, aktuaris en Hoof van Bemarking en Kommunikasie by Sanlam Risiko & Spaar, beklemtoon hoe belangrik dit is om lewensversekering en ʼn aftreespaarfonds in stand te hou, omdat dit ernstige langtermyn-gevolge kan hê as jy bydraes oorslaan. Indien jy risikodekking nou kanselleer, kan dit jou later heelwat meer kos om weer dekking te kry. In plaas hiervan, stel Roxanne voor dat jy ʼn begroting opstel en die bestuur van noodsaaklike uitgawes ʼn prioriteit maak. As jy vir ʼn maand lank aanteken wat jy bestee – gebruik ʼn begrotingstoep of hou ʼn papierrekord – kan jy onnodige koste identifiseer en ʼn realistiese begroting opstel met uiters belangrike finansiële beskermingsmeganismes bo-aan die lys.
As jy egter noustrop trek met jou geldsake, stel sy voor dat jy eerder hierdie opsies oorweeg as om risikodekking te kanselleer:
1. Verminder voordeelbedrae: In plaas van om jou dekking te kanselleer, kan jy eerder die voordeelbedrae verlaag. Dit laat jou toe om in geval van siekte, ongeskikraking of sterfte ʼn mate van finansiële beskerming te verseker. Minder dekking is beter as geen dekking nie.
2. Premievakansie-opsies: Sekere produkte bied ʼn premievakansie-opsie, wat jou toelaat om betalings tydelik te staak sonder om dekking prys te gee. Kontak jou verskaffer om uit te vind of hierdie opsie vir jou beskikbaar is.
3. Kortings vir ʼn gesonde leefstyl: As jy meer as ʼn jaar gelede ophou rook het, kan jy moontlik vir laer premies kwalifiseer. Kontak jou versekeraar om ʼn hersiening van jou tariewe aan te vra.
Koste sal altyd styg, en as jy nou jou polis kanselleer, kan lewensgebeurtenisse dit later moeiliker maak om dekking te kry. Hoewel versekering miskien na ʼn las lyk, kan dit groter probleme tot gevolg hê as jy dit nou kanselleer.
Voordat jy enige veranderings maak, is dit uiters belangrik om ʼn finansiële adviseur vir ʼn risiko-ontleding te raadpleeg om jou dekkingsbehoeftes en moontlike risikoblootstelling te bepaal. Toekomsbeplanning
met die hulp van ʼn finansiële adviseur kan jou boonop help om koste te besnoei, op noodsaaklike uitgawes te fokus en langtermyn- finansiële stabiliteit vir jou en jou geliefdes te verseker.
Gesels vandag met jou finansiële adviseur van Sanlam oor maniere waarop jy jou finansiële druk kan verlig.
Sanlam Lewens is ‘n Gelisensieerde Lewensversekeraar, Verskaffer van Finansiële Dienste en Geregistreerde Kredietverskaffer (NCRCP43)