Die feestyd is bedoel vir vreugde, samesyn en feesviering – nie finansiële stres nie. Met proaktiewe stappe kan jy hierdie tyd met gemak aandurf en die nuwe jaar sonder finansiële sorge begin.
1. Beplan sommer vroeg jou begroting
Stel voor die vakansie ʼn begroting op vir die feestyd. Sluit alles in – geskenke, byeenkomste, reis, en selfs jaareind-uitverkopings. Hou by ʼn duidelike plan om besteding onder beheer te hou.
2. Wees eerlik oor jou finansies
Gesels met familie en vriende oor finansiële grense. Stel kostedoeltreffende alternatiewe voor, soos saambring-etes of selfdoen-geskenke. Ander sal dikwels waardering hê vir jou deursigtigheid en saam met jou kreatiewe maniere probeer kry om te spaar.
3. Vermy vakansieskuld
Weerstaan die versoeking om op kredietkaarte staat te maak vir vakansie-uitgawes. Fokus daarop om net te bestee wat jy het, en gee prioriteit aan noodsaaklike aankope. As jy krediet moet gebruik, beplan om dit so gou as moontlik af te betaal en te verhoed dat jy die nuwe jaar met skuld moet begin.
4. Kry maksimum voordeel uit belonings en afslag
Slaan munt uit banke en kleinhandelaars se beloningsprogramme vir afslag of geskenkbewyse. Gebruik hierdie voordele om jou begroting verder te rek, en beplan jou inkopies om spesiale aanbiedings in die feestyd ten beste te benut.
5. Monitor bestedingsgewoontes
Monitor jou besteding gedurende die vakansie, om onaangename verrassings te vermy. Klein aanpassings, soos om tuis etes voor te berei of sekere dae geen geld uit te gee nie, kan meer geld vir die feesverrigtinge beteken.
6. Dink vooruit aan 2025
Begin nou al spaargeld opsysit vir volgende jaar se feestyd. Selfs klein maandelikse bydraes tot ʼn rentedraende rekening kan die finansiële las verlig wanneer Desember weer aanbreek.
Voorbereiding is die geheim om ʼn kommervrye feestyd te geniet. Gesels vandag met ʼn finansiële adviseur van Sanlam, vir ʼn nommerpas finansiële plan wat jou sal help om die vakansie en die tyd daarna te bestuur. Neem beheer oor jou geldsake en pak die feestyd met gemoedsrus aan!
Sanlam Beperk is die Gelisensieerde Beheermaatskappy van die Sanlam Beperk Versekeringsgroep.