Ligbron het die week afgeskop met hul Interhuis Atletiekbyeenkoms. Die Liggies het hul deel gedoen om massa-deelname te verseker.
Die verskillende graadgroepe het teen mekaar gekompeteer en die doel van die byeenkoms was nie net om die beste atlete vir die komende seisoen te identifiseer nie, maar ook om so veel as moontlik Liggies te laat deelneem.
Me Annelize Prinsloo, wat in beheer is van Lewensoriëntering, het koppe bymekaar gesit met die atletiekorganiseerder, Mnr Tiaan Rosslee. In ‘n poging om massa deelname te verseker is hul deelname gekoppel aan hul LO punte.
In totaal het die Liggies 3896 keer deelgeneem aan die verskillende items – ‘n gemiddeld van ongeveer 4 items per leerder. Die graad 8s (die Mavericks) het sommer vroeg-vroeg reeds gewys hul bloed is blou. Hulle was die span met die grootste deelname, wat hulle die wenners van die dag gemaak het.
In die tweede plek was die graad 11s (die Warriors) en in die derde plek die graad 10s (die Lightnings). Die graad 8s is ook aangewys as die graad met die beste gees, met hul matrieks (die Mavericks) kort op hul hakke.
Die Junior Victrix Ludorum was Marjolé Scheepers, met Ruan van Zyl wat die Junior Victor Ludorum was. Alzira Potgieter was die Senior Victrix Ludorum en Bandile Thanjekwayo die Senior Victor Ludorum.
Daar is nuwe talent by die byeenkoms ontdek en elke Liggie wat deelgeneem het, se LO punt vir kwartaal 1 het ‘n goeie hupstoot gekry.
2025 se Interhuis was die beste in jare. Die dag is gekenmerk deur die leerders se goeie gees op die paviljoen en op die atletiekveld.
Mnr Tiaan Rosslee en die res van die span wat die dag gereël het, het die seisoen met groot sukses afgeskop en verdien ‘n word van gelukwensing.