Foto: Eerste meisies hokkiespan saam met mnr Grove Eksteen en me Lizmarie van Eeden
Die Liggies se eerste meisies hokkiespan het tydens die afgelope langnaweek aan die Noordvaal hokkie uitspele deelgeneem wat by Cornwall High School in Pretori aangebied is. Hierdie ster span het Ligbron se naam hoog gehou toe hulle tot in die eindstryd gevorder het.
Dit was ‘n opdraande stryd tot in die finaal. Hul eerste wedstryd was teen Hoërskool Monument van Krugersdorp (0 – 3). Daarna het hulle gelyk geëindig teen Midstream. Dit het hulle ‘n plek in die kwarteindstryd verseker, waar hulle 2 – 1 teen Hoërskool Middelburg geseëvier het. In die halfeindstryd speel hulle teen Potchefstroom Gimnasium. Dit was ‘n naelbyt wedstryd wat hulle 3 – 2 gewen het. Hulle speel in die eindstryd weer teen Hoërskool Monument en verloor ongelukkig die wedstryd 0 – 6.
Baie geluk aan hierdie span en hul afrigter me Lizmarie van Eeden.