Foto: Ligbron se Eerste Meisieskrieketspan met hul afrigters Mev Chante van Greunen en Mnr Pieter van der Merwe.
Ligbron se Eerste Meisieskrieketspan het Saterdag die Noordvaal kwarteindrondte teen Hoërskool Marais Viljoen met 5 paaltjies gewen.
Marais Viljoen het eerste gekolf en teken 154 lopies aan in hul 20 boulbeurte. Amelia Brummer (4 paaltjies vir 17 lopies) en Kristen Lloyd (2 paaltjies vir 22 lopies) was die Liggies se ster boulers.
Ligbron se kolwers beklink die wedstryd toe hulle 155 lopies in die 16de boulbeurt aanteken. Dit is weer eens Brummer (45 lopies van 38 balle) en Lloyd (19 lopies van 25 balle) wat uitstekende spel lewer. Ntando Sithole het ook haar staal agter die kolf gewys met 15 lopies (nie uit nie) van 20 balle.
Ligbron speel volgende Saterdag in die Noordvaal halfeindrondte teen Hoërskool Noordheuvel van Krugersdorp.