Tydens die onderhoud wat Mnr Bolhuis met Lekwa se Burgermeester, Linda Dhlamini gevoer het, het Dhlamini verskeie beloftes gemaak en die versekering aan Standertonners, asook aan Mnr Bolhuis, gegee dat daar daadwerklik opgetree gaan word en dat die infrastruktuur opgeknap gaan word. iNews het Woensdag, 3 Maart ‘n eksklusiewe onderhoud met Mnr Bolhuis gehad en onder andere gevra of Mnr Dhlamini, of enige ander munisipale amptenaar al enigsins reageer het op die beloftes wat gemaak is. iNews plaas graag die reaksie wat vanaf Mnr Bolhuis ontvang is. Geen terugvoer is ooit weer vanaf Standerton munisipaliteit ontvang nie. Na aanhoudende kommunikasie en aanhoudende versoeke, het Bolhuis eenvoudig elke keer ‘n toe deur teegekom. Selfs tydens die besoek aan Standerton, is daar baie gesukkel om hulle (Lekwa amptenare) bymekaar te kry en te ondervra. Uiteindelik het daar ‘n groot entourage met lyfwagte in plek, aangekom. Met ‘n skok is agtergekom dat die lyfwagte daar is om Dhlamini teen sy eie mense in sy eie munisipaliteit te beskerm. Volgens Bolhuis is dit absoluut absurd. Hulle kon niks verduidelik of antwoorde gee op die vrae wat gevra is nie, oor byvoorbeeld die verskriklike duur motors wat aangeskaf is, die verskriklike duur partytjies en die groot hoeveelheid geld wat wanbestee was, kon hulle niks verduidelik nie. Die polities korrekte antwoorde wat heeltyd verskaf is, was: “We endeavor, we know we are wrong, we need to change.” Dit is al hoe meer die nuutste tendens om te sê: ja ons weet daar is foute, en tussen deur word gesê dat almal maar foute maak, en dat hulle hul bes probeer. Jy kry nooit ‘n regte en reguit antwoord nie. As honderde duisende rande weg is, of as daar meer as R60,000 op ‘n ontbyt vir twee mense spandeer word, of erger nog, as sekere water-, of pad- of herstelwerke se toerusting aangekoop word en dit is die volgende dag gesteel, wat heel moontlik deur mense in die munisipaliteit gereël is, kry jy ook nie antwoorde nie. Standerton gaan deur wat alle ander stede en dorpe die laaste paar jaar deurgaan, dit is astronomies. Standerton is ongelukig maar een van die ergstes. Die Demokratiese Allianse het regtig moeite gedoen en uit hulle pad gegaan om die ondersdoek te bedryf. Na Bolhuis alles openbaar het en al die ondersoek werk gedoen is, is dit oorhandig aan die publiek en regslui wat daarmee wil voortgaan. Dit is ‘n onbegonne taak om die korrupsie te probeer uitwis, behalwe deur mense soos iNews wat dinge probeer warm hou en inwoners inlig, korrupsie openbaar en te kla met die hoop dat daar iewers langs die pad, iemand in hierdie korrupte regering van ons sy voet gaan neersit en sê sorteer nou die riool uit, sorteer nou die slaggate uit, sorteer nou die munisipaliteite uit, maar ek (Bolhuis) kan dit nie sien gebeur nie. Waarop ons nou absoluut staatmaak is dat die howe genader word sodat belasting gelde nie meer direk aan munisipaliteite betaal word nie, maar dat dit self deur die publiek toegewend en toegepas word om self die herstelwerk en instandhouding te doen. Die weg vorentoe is dat alle gelde van die publiek wat ingesamel word, wat veronderstel is om na die munisipaliteit toe te gaan, in ‘n spesifieke dienslewering-rekening betaal word. Natuurlik op die korrekte wyse, naamlik prokureurs, howe en die regstelsel, en dat daardie fondse dan deur die publiek behartig word om sodoende al die dienslewerings-dienste te kan lewer. In my (Bolhuis) se opinie, is hierdie die enigste oplossing. ‘n Mens kan baie dinge met ‘n “baseball bat” reg bl#ksem en baie mense kan intimideer word, maar jy kan ongelukkig nie die munisipaliteit, polisie, regstelsel of regering bl#ksem nie. Jy kan hulle nie fisies intimideer of dreig nie. Jy kan hulle slegs openbaar vir wie en wat hulle is en jy kan die finansies wat hulle toekom beskou asof dit hulle nie toekom nie, weens die wanbesteding en ook weens die wan-dienslewering. Die gemeenskap moet begin saamstaan. Dit is en was nog altyd ‘n probleem om mense te kry om saam te staan. Gewoonlik is dit die persoon wat die riool die ergste ruik wat begin met aksie, maar die wat dit nie ruik nie, wil nie betrokke raak nie. My (Bolhuis) se beroep op die publiek is om alle opinies, alle geloofsoortuigings en persoonlike verskille op sy te skuif en een gemeenskaplike doel voor oog te kry, en dit is om misdaad te bekamp, aan te spreek en te verhoed, en saam te staan en saam die beslissings te neem en by mekaar se geloof, kleur of politiese assosiasie verby te kyk, dan is hierdie ding doenbaar en dan is daar vir ons ‘n oplossing vir ons dorp in die toekoms.

To read the rest of the article, please open it with the iNews app. You can download the app here: