Die einde van die 2024/2025-belastingjaar is net om die draai. Hoewel niemand kan voorspel wat die Minister van Finansies, Enoch Godongwana, in sy Begrotingsrede van Februarie oor belasting gaan aankondig nie, kan dit wys wees om die bestaande belastingvoordele te benut voordat die huidige belastingjaar op 28 Februarie 2025 eindig.
Hier’s ʼn paar maniere waarop jy die beskikbare belastingkortings ten beste kan benut:
- Neem ‘n belastingvrye spaarrekening uit, of vul jou bestaande belastingvrye spaarrekening aan – jy kan tot R36 000 per belastingjaar (tot ʼn maksimum R500 000 gedurende jou leeftyd) bydra.
- Lewer ʼn belastingaftrekbare enkelbedragbydrae tot ʼn uittree-annuïteit (UA), of verhoog jou maandelikse UA-debietorder.
Belastingvrye spaarrekening
Wanneer jy tot ʼn belastingvrye spaarrekening bydra, betaal jy nie belasting op rente, dividende of kapitaalwins nie. ‘n Belastingvrye spaarrekening bied verskillende beleggingsopsies om jou doelwitte en risikoprofiel te pas.
Boonop bied ʼn belastingvrye spaarrekening ʼn unieke geleentheid om jou jaarlikse vrystelling ten opsigte van skenkingsbelasting te gebruik en tot R100 000 (R200 000 indien albei gades hul vrystellings gebruik) per jaar aan jou kinders te skenk sonder om skenkingsbelasting daarop te betaal. Dit is ʼn alternatiewe boedelbeplanningsinstrument, omdat die geld in ʼn belastingdoeltreffende belegging in jou kinders se naam belê word.
Gee jou aftreeportefeulje ʼn hupstoot
ʼn Belegging in ʼn UA kan aftreespaargeld verhoog en belasting verminder, omdat geen dividend-, inkomste- of kapitaalwinsbelasting daarop gehef word nie. Bydraes van tot 27.5% van belasbare inkomste (maksimum R350 000 per jaar) is belastingaftrekbaar, en enige meerbedrag kan oorgedra word om van toekomstige belasbare inkomste afgetrek te word. UA’s kan gebruik word selfs al lewer jy bydraes tot ʼn pensioen- of voorsorgfonds.
Gesels met jou finansiële adviseur van Sanlam om te sien hoe jy jou belastingvoordele optimaal kan benut.
Sanlam Beperk is die Gelisensieerde Beheermaatskappy van die Sanlam Beperk Versekeringsgro
