ʼn Belegging in ʼn uittree-annuïteit (UA) gee jou die buigsaamheid om met die leiding van jou finansiële beplanner jou beleggingsvennote te kies en beleggingsopsies aan te pas. Jy bepaal wanneer en hoeveel jy wil belê, saam met die onderliggende effektetrustfondse van jou keuse. Aangesien aftreevoordele in die werkplek dikwels net op minimum bydraes berus, is dit raadsaam om dit met ʼn UA aan te vul en daarmee jou aftreespaargeld te verhoog om in jou later jare ʼn groter inkomste te kry.
Hier is 7 redes hoekom ʼn UA uit ʼn beleggingsoogpunt sinvol is:
1. Gee jou aftreespaargeld ʼn hupstoot:
ʼn UA is geskik vir heeltydse werknemers, kontrakwerkers of persone wat selfwerksaam is. Dit kan ʼn selfstandige oplossing wees of deel van ʼn breë
aftreespaarplan uitmaak.
2. Belastingvoordele:
ʼn Gedeelte van die bydraes is belastingaftrekbaar tot 27.5% van belasbare inkomste of vergoeding (tot ʼn maksimum van R350 000 per jaar).
Geen belasting is op rente of dividende betaalbaar nie, en ook geen kapitaalwinsbelasting nie. Lees hier verder.
3. Veeldoelige aftreespaargeld:
UA’s bied uiteenlopende beleggingsopsies soos fondse, risikoprofiel-oplossings en aandeleportefeuljes, en kan volgens jou behoeftes en risikoprofiel
aangepas word.
4. Bekostigbaarheid:
Selfs al belê jy net ʼn klein bedraggie elke maand, kan dit ʼn beduidende impak op jou aftreespaargeld hê. Gebruik ʼn aftreeberekenaar om jou ideale
maandelikse bydrae te bepaal.
5. Beskerming teen krediteure:
In die geval van insolvensie sal jou UA teen krediteure beskerm wees. Dit sal verseker dat jou spaargeld onaangeraak bly vir die doel waarvoor dit
bestem is, naamlik aftrede.
6. ʼn Vaste belegging tot ouderdom 55:
Die verbintenis tot ʼn UA-belegging tot op aftree-ouderdom verseker langtermyngroei. Die beperking van toegang tot die belegging totdat jy minstens 55
is, voorkom impulsiewe onttrekkings. Kry hier meer inligting.
7. Aangepas by jou risikoprofiel:
UA-beleggingsopsies word aangepas by jou risikoprofiel, wat deur ʼn finansiële beplanner geëvalueer kan word met inagneming van jou veranderende
behoeftes, leefstyl en risiko-aptyt oor tyd. Die tabel hieronder illustreer aftree-uitkomste vir beleggers wat R500 per maand tot ʼn UA bydra.*
Glacier Finansiële Oplossings (Edms) Bpk en Sanlam Lewensversekering Bpk is gelisensieerde verskaffers van finansiële dienste.
Sanlam Lewens is ‘n Gelisensieerde Lewensversekeraar, Verskaffer van Finansiële Dienste en Geregistreerde Kredietverskaffer (NCRCP43)
