Hier’s wat jy moet weet om vir ‘n toekoms met finansiële sekuriteit te beplan.
Volgens Statistiek SA het vroue se lewensverwagting tot net bo 67 jaar gestyg. Hoewel die ekstra jare baie voordele inhou, ervaar baie vroue finansiële stres in hierdie tyd – veral ten opsigte van aftrede, ongeskiktheid en siekte. Risikodekking kan ʼn belangrike rol speel om vroue te help om finansiële sekerheid in hul later jare te verseker.
Wat vroue moet oorweeg
1. Sterftedekking: Dit is vir enigiemand met afhanklikes belangrik – veral vir vroue wat die enigste broodwinner is, en dubbelinkomste-huishoudings waar die gesin op albei se inkomste staatmaak.
2. Ongeskiktheids- en inkomstebeskermingsdekking: Hierdie dekking, wat uitbetaal as jy nie kan werk nie, is belangrik vir enigiemand wat werk. Dit sluit enkellopende vroue sonder afhanklikes in.
3. Dekking vir ernstige siektes: Hierdie dekking is van lewensbelang omdat dit beskerming verleen teen die finansiële implikasies van die diagnose van ʼn ernstige siekte soos borskanker.
Maar sê nou geld is skaars?
Ons leef ongetwyfeld in moeilike tye, en om te sorg dat daar geld vir risikodekking is, is nie altyd maklik nie. Hoewel dit moeilik is om prioriteit hieraan te gee wanneer jou begroting beperk is, kan die verlies van jou verdienvermoë nog groter finansiële probleme veroorsaak. Hier is twee “sê nou”-scenario’s om te oordink wanneer jy jou begroting saamstel:
1. Sê nou die verlies van inkomste is tydelik, soos ʼn paar weke of maande?
2. Sê nou jy raak permanent ongeskik vir werk?
Gaan noukeurig deur jou maandelikse begroting om te sien of daar nie-noodsaaklike uitgawes is waarop jy kan besnoei om die geld in ʼn lewensdekkingpremie te belê.
Selfs al kan jy nie jou risikobehoeftes ten volle dek nie, probeer minstens soveel as moontlik dek – ʼn bietjie dekking is altyd beter as om geen dekking te hê nie. Die gemoedsrus wat genoegsame dekking jou gee, is oorgenoeg rede om oplossings te begin oorweeg.
Sanlam Lewens is ‘n Gelisensieerde Lewensversekeraar, Verskaffer van Finansiële Dienste en Geregistreerde Kredietverskaffer (NCRCP43)
