Die nuwe jaar is ʼn uitstekende geleentheid om beheer oor jou geldsake te neem en voorsorg te maak vir langtermyn-stabiliteit. Hier is 10 praktiese wenke om jou begroting en finansiële beplanning op koers te kry:
1. Gaan jou besteding na: Ontleed jou bankstate om onnodige uitgawes te identifiseer en stel ʼn begroting op deur byvoorbeeld die 50/30/20-reël te volg om inkomste op doeltreffende wyse te verdeel tussen wat jy nodig het, wat jy graag wil hê en wat jy spaar.
2. Stel ’n bestedingsplan op: Stel ʼn aanpasbare begroting op om op nie-noodsaaklike items te besnoei en jou geldsake weer op dreef te kry. Begrotingstegnieke soos om die jaar se begroting op nul te begin, of die kontantkoevertstelsel te gebruik, kan help om die proses te vereenvoudig.
3. Evalueer jou skuld: Maak ʼn lys van al jou skuld en probeer meer as die minimum op skuld met hoë rente terugbetaal. Strategieë soos die “sneeubal”-metode om eers die kleinste skuld af te betaal, en dan al hoe groter skuld, kan help om jou skuldlas vinniger te verminder.
4. Span krediet in tot jou voordeel: Gebruik krediet op verantwoordelike wyse deur prioriteit te gee aan “goeie skuld” wat vir jou kan werk en tot jou toekomstige verdienvermoë kan bydra.
5. Beplan vir die onvoorsiene: Skep ʼn noodfonds om onvoorsiene uitgawes te dek. Dit kan jou help om addisionele skuld in ʼn noodgeval te vermy.
6. Monitor bestedingsgewoontes: Kategoriseer jou uitgawes en identifiseer patrone wat tot oorbesteding lei. Eenvoudige aanpassings, soos om middagetes in te pak of aanlyn aankope te beperk, kan ʼn groot verskil maak.
7. Benut belonings ten volle: Maak volle gebruik van lojaliteitsprogramme, geldterug-belonings en afslag van jou bank of kleinhandelaars om jou begroting te rek.
8. Hersien gereeld jou finansiële plan: Lewensveranderings soos die geboorte van ʼn kind of verandering van werk, kan aanpassings van jou finansiële strategie verg. Hersien van tyd tot tyd jou finansiële portefeulje in oorleg met jou finansiële adviseur.
9. Gesels met geliefdes oor jou geldsake: Deel jou finansiële doelwitte met familie en vriende om ondersteuning te kry en jou rekenpligtig te hou. Oop kommunikasie kan die druk verlig om “die skyn te bewaar”.
10. Beplan vooruit vir die feestyd: Begin vroeg in die jaar vir Desember spaar deur elke maand ʼn klein bedraggie weg te sit of tydens uitverkopings geskenke te koop, in plaas van op die nippertjie baie geld uit te gee.
Begin die jaar met ʼn goeie finansiële plan wat jou genoegdoening gee en in beheer laat voel. Gesels vandag met ʼn finansiële adviseur van Sanlam om kundige leiding te kry wat jou behoeftes pas, en gee die eerste tree na finansiële sekuriteit.
Sanlam Beperk is die Gelisensieerde Beheermaatskappy van die Sanlam Beperk Versek
