Laerskool JJ van der Merwe se jong rugbyspanne het hul staal gewys by die 2025 Pumas Finale wat op 20 en 21 Junie plaasgevind het.
O/9
Die span het 'n gemengde uitslag gehad met 'n oorwinning van 17–7 teen Nelspruit Primary, maar moes buig met 0–24 teen Nelspruit in hul tweede wedstryd.
O/10
JJ se O/10's het die semi-finaal nouliks gewen met 12–10 teen Bergland, maar is in die finaal met 15–0 deur Nelspruit geklop.
O/11
Hierdie span het Lydenburg met 19–5 in die halfeindstryd uitgestof. Die eindstryd teen CR Swart het op 12 elk geëindig — met beide spanne wat die trofee gedeel het.
iNews wens al die spelers, afrigters en ondersteuners geluk met hul puik vertoning. JJ van der Merwe bly 'n mag om mee rekening te hou in plaaslike skole-rugby.


