Hans Storm se landloop het begin op 14-jarige ouderdom toe hy aan sy eerste 32 km wedloop deelgeneem het en tweede jnr geëindig het. Op skool was hy ‘n gemiddelde 1 500- en 3 000-meter atleet. Op 17-jarige ouderdom durf hy die 42,2 km van die Hoëveld Marathon aan en wen die eerste junior. Die volgende jaar op 18-jarige ouderdom wen hy eerste junior by die Hoëveld en die Biggarsberg marathonne. Hierna neem hy deel aan die Excide Nagmarathon in Germiston, saam met groot padwedloop-name soos Dave Shaw en Bernardt Rose. Hier wen hy ook die junior titel. Hy begin toe ‘n nagwedloop in Ermelo, onder die beskerming van Ermelo Marathonklub en reël ‘n 10- en 21,1 km by Ermelo Hoërskool. Hy wen toe weer die eerste junior atleet.
Tydens sy weermagjaar in 1982 neem hy aan ‘n paar 21,1 km marathonne deel. Daarna gaan hy na Oudtshoorn vir ‘n offisierskursus. Hier hardloop hy ‘n sub-3-uur marathon by die Kango-grotte. Hy word ook vir die S.W.D. gekies om aan die S.A. kampioenskappe deel te neem en kry so sy SA-kleure. In 1982 sou hy aan sy eerste Comrades Marathon deelgeneem het, waarvoor hy reeds gekwalifiseer het. Hy het reeds ingeskryf om op 31 Mei 1982 deel te kon wees daarvan, maar dit was nie vir hom beskore nie. Op 1 Mei 1982 sterf Hans saam met ses ander weermagseuns in ‘n tragiese ongeluk naby Bloemfontein.
Die marathonklub vra toe sy ouers, Ernst en Joyce Storm, of hulle ‘n jaarlikse gedenkwedloop in Ermelo mag instel om sodoende hulde te bring aan ‘n puik atleet. Ter herdenking van Hans Storm, 31 Maart 1963 – 1 Mei 1982.
Ermelo Marathonklub het jaarliks die nagwedloop aangebied, maar weens die afgelope paar jaar se gevaarlike donderweer-toestande het Ermelo Athletic Club besluit om dit ‘n dagwedloop te maak by BodyStrong Gym. Die wedloop het ’n uitstekende deelname en positiewe gees onder deelnemers en ondersteuners beleef.
Mans Ope
- 1ste Siyabonga Xowane – 33:06
- 2de Ayabonga Mavuso – 33:38
- 3de Nhlanhla Mabuza – 33:47
Vroue Ope
- 1ste Wendy Msezane – 45:27
- 2de Mentjie Jansen – 49:48
- 3de Nqobile Fakude – 51:01
Mans 40+ Wenner
- 1ste Leon Joubert – 51:13
Mans 50+
- 1ste Thulani Ngobeni – 44:05
- 2de Gilbert Mkoko – 57:32
Mans 70+ Wenner
- 1ste Louis de Jager – 1:31:57
Vroue 60+ Wenner
- 1ste Dollie Viljoen – 58:06
Dollie Viljoen het spesiaal van Langebaan gekom om aan die gedenkwedloop deel te neem, aangesien sy saam met Hans Storm in matriek was.
Ermelo Athletic Club sê 'n besondere dankie aan Pieter en al hul borge — Icon, Busby SA, Ermelo Woonwaens en Sleepwaens, Dr F.J. de Jager, De Wits Garage, Alma Studio, Hough Slaghuis, Smokey Doggy Parlour, Luca’s, Giant Beds, Dougies Pets, Bromane Properties, TMTEC, Skenker 1, asook almal wat kom help het om die dag moontlik te maak. Ons glo die Hans Storm Dagwedloop gaan bly. Saterdag 21 Junie 2025 was ‘n lieflike sonskyn-dag en die atlete het dit baie geniet. Sien julle 2026 weer. Ermelo Athletic Club Voorsitter: Melody du Toit 082 926 6200