Foto (vlnr): Conrad Coetzer het ‘n trofee ontvang vir die beste vordering in die sport deur die jaar, Ian Swart is aangewys as die beste senior MTB fietsryer en Armand Swart is die beste junior MTB ryer.
Ligbron se fietsry-spanne het hul jaar met ‘n naweek van fietsry afgesluit. Op Vrydag, 4 November 2023, het die fietsryers, hul afrigters en ouers saam vleisgebraai by hul nuwe klubhuis, The Cycle Café.
Tydens hierdie geleentheid is die seuns vereer vir hul harde werk van die afgelope jaar en is die spankapteine vir 2024 aangewys. Die afrigters is ook bedank vir al die ure wat hul aan die seuns se ontwikkeling bestee het. Saterdag, 5 November 2023 het die fietsryers aan die Alzu fietswedren deelgeneem.
Die volgende prestasies is behaal:
15 kilometer
Junior mans 12 – 18 jaar:
Kenneith Barnard eindig eerste in sy ouderdomsgroep asook algeheel eerste. Hy ontvang ‘n trofee asook R2 500.00 prysgeld.
40 kilometer
Junior mans 12 – 18 jaar met 52 deelnemers:
Conrad Coetzer: 16de
Armand Nel: 20ste
Thiardt Ferreira: 21ste
Ian Swart: 23ste
Die dag is spesiaal gemaak deur die afrigters en verskeie ouers wat ook deelgeneem het. Baie geluk aan Mnr Duane Purcocks wat 10de uit 125 ryers geeindig het in die 40 kilometer senior mans (19 – 39 jaar) afdeling.
Foto: Morné Herbst en Jacques Eksteen is as onderkaptein en kaptein van die fietsryspan vir 2024 aangewys
Foto: Kenneith Barnard