Ligbron Onderwysers Voltooi ATKV Redenaarskursus

Written on 02/20/2025
Gideon Muteb


Nege onderwysers van Ligbron Akademie vir Tegnologie het onlangs 'n aanlyn kursus van die ATKV voltooi om gekwalifiseerde beoordelaars vir redenaarskompetisies te word.

Die kursus is aangebied deur me Doret Prinsloo, 'n gesoute ATKV-beoordelaar wat al jare lank op streek- en nasionale vlak betrokke is.

Na voltooiing van die kursus het elke onderwyser 'n sertifikaat en beoordelaarsnommer van die ATKV ontvang, wat hulle die reg gee om vir vyf jaar as amptelike beoordelaars op te tree.

Deelnemers aan die kursus:

Voor: Janet van Zyl, Ashleigh Potgieter, Rialette de Villiers en Chante van Greunen.

Agter: Zack Bosman, Ida Swart, Marita Ackermann, Jean-Riëtte van Eede en Grové Eksteen.

Hierdie prestasie versterk Ligbron se betrokkenheid by akademiese ontwikkeling en uitnemendheid. Sterkte aan die span met hul beoordelaarsrol by toekomstige kompetisies!