Foto: Die EHS o.18 Flames-span wat 'n derde plek behaal het.
Op Saterdag 14 September het twee van EHS se Fast 5-netbalspanne deelgeneem aan die Mpumalanga-uitspele..
Die o.14 Fireballs wen 21-7 teen Emtofonjeni, verloor 9-19 en 15-20 teen onderskeidelik Secunda o.15 en MHS Griffons en wen 18-9 teen HGH Tripple G.
Hulle eindig derde in hul poel en speel uit vir 5 tot 8, wen beide hul uitspeelwedstryde en eindig algeheel vyfde. Hierdie span is ’n o.14-span wat deelgeneem het in die o.15-afdeling.
EHS se o.18 Flames wen teen Meridian Karino (33-4), Secunda o.18 2 (36-13) en MHS Blitz (18-16 ), maar verloor 19-22 teen HTS Blou o.18.
Hierdie span eindig tweede in hul poel en speel uit vir plekke 1 tot 4. Gedurende uitspele verloor hul 25-30 teen Piet Retief en wen teen Delmas met 23-13.
Met hul algehele derde plek in Mpumalanga kwalifiseer die span om aan die Suid-Afrikaanse kampioenskap te gaan deelneem te Laerskool Concordia in Boksburg op 23 en 24 September.
Baie geluk aan hierdie netbaldogters met uitstekende uitslae. EHS is met reg trots op julle.