Foto's: o.17 Stinger Squad-span
Op Saterdag 7 September het die Erries hul jaarlikse Impi Visser 7’s-dag aangebied. Hierdie dag bestaan uit 7’s rugby, Fast 5-netbal en 5’s-dogtershokkie. Dit was ’n reusesukses met EHS as gasheerskool van hierdie geleentheid.
Dankie aan elke skool wat deel was van die sukses van hierdie dag en met ’n goeie gemoed deelgeneem het.
Die dogtershokkie het besonder goed gevaar met beide die o.15 Team Flash- en o.17 Stinger Squad-spanne wat die onderskeie ouderdomsgroepe gewen het.
Ook is Karli Snyman (o.15) en Danisia Badenhorst (o.17) as spelers van die dag aangewys.
By die netbal eindig EHS se o.17 Flames-span ’n tweede plek in die Impi Visser-toernooi en Lienke van Rooyen word aangewys as die o.15-speler van die dag.
Foto's: o.15 Team Flash
Groot dank aan die borge wat saam met die Erries die dag moontlik gemaak het: TWK, Nashua, Living ball en USN.
EHS sien uit om volgende jaar wéér hierdie sportgeleentheid aan te bied.