Foto: Eerste krieketspan saam met afrigters Michael van Nieuwenhuizen en Jan Bosman
Die Liggies se eerste seuns krieketspan het verlede week geseëvier in twee wedstryde.
Op Donderdag 1 Augustus het hulle in ‘n T20 wedstryd afgereken met Hoërskool Secunda se tweede span. Hul wen die wedstryd met 8 paaltjies. Secunda teken 175 lopies vir die verlies van 5 paaltjies in 20 boulbeurte aan.
Ligbron, wat tweede agter die kolf inskuif, teken 176 lopies vir die verlies van 2 paaltjies in 19 boulbeurte aan. RJ Kinnear teken 80 lopies van 50 balle aan. Kort op sy hake was Ruben Botha wat 58 lopies van 49 balle aanteken.
Foto: RJ Kinnear
In hul tweede wedstryd vir die week meet hulle kragte teen HTS Witbank.
Witbank slag daarin om 194 lopies vir 9 paaltjies in 31 boulbeurte aan te teken. Ligbron, kolf tweede en vat Witbank se telling in die 30ste boulbeurt verby toe hulle 197 lopies vir 7 paaltjies aangeteken het. Ruben Kruger speel sy beste krieket en teken 98 lopies van 70 balle aan.
Foto: Ruben Kruger