Foto: Ligbron se eerste seuns krieketspan
Ligbron se eerste seuns krieketspan het verlede Saterdag hul wedstryd teen Hoërskool Piet Retief met 249 lopies gewen.
Ligbron het eerste gekolf. Hulle teken 323 lopies vir die verlies van 9 paaltjies in 50 boulbeurte aan. Die span se top kolwers het omtrent die lopies ingeryg.
Ruben Botha slaan 14 viers en 2 sesse en teken 97 lopies van 76 balle vir die Liggies aan. Ruben Kruger is op sy hakke met 46 lopies van 38 balle en Johardt Swanepoel slaan 37 lopies van 41 balle.
Dit het die Liggie boulers nie lank geneem om Piet Retief se paaltjies te laat kantel nie. Binne 17 boulbeurte, met 74 lopies op die telbord is die wedstryd verby. Ayden Lehmgrubler neem 5 paaltjies van 14 balle en Ruben Botha wys ook hier sy staal toe hy 3 paaltjies van 43 balle vat. Ruben Kruger neem die laaste paaltjie. Johardt Swanepoel het met sy uitstekende veldwerk drie kolwers uitgevang.
Foto (vlnr): Ruben Botha en Ayden Lehmgrubler
Ruben Botha word aangewys as die kolwer van die wedstryd en die speler van die wedstryd. Ayden Lehmgrubler stap weg as die bouler van die wedstryd.